Bu siyasət keyfiyyət və informasiya təhlükəsizliyini idarəetmə sistemlərimiz üçün çərçivə yaradır və müvafiq hüquqi, normativ və müqavilə əsaslı tələbləri qarşılamaq öhdəliyimizin təzahürüdür.

“Technofusion” aşağıdakıları öhdəsinə götürür:

•	Bütün biznes fəaliyyətlərinin Azərbaycan Respublikasının müvafiq qanunları, normativ-hüquqi sənədləri və ya qanunvericiliyi, habelə müvafiq beynəlxalq standartlara, təcrübə qaydalarına  və müştəri tələblərinə uyğunluğunu təmin etmək. Öz vəzifəsi ilə əlaqəli qanunları, qaydaları və siyasətləri anlamaq və razılaşmaq hər bir işçinin öhdəliyidir.

•	Həm təşkilatdakı daxili maraqlı tərəflərin, həm də kənar maraqlı tərəflərin, o cümlədən müştərilərin, təchizatçıların, tənzimləyici və hökumət orqanlarının ehtiyaclarına və gözləntilərinə xidmət etmək üçün təşkilatın sahib olduğu və istismar etdiyi fiziki və məlumat resurslarının məxfiliyini, bütövlüyünü, əlçatanlığını və təhlükəsizliyini təmin etmək və buna nail olmaq üçün lazımi resursları təchiz etmək.

•	Müştəri tələblərinin qarşılanmasını təmin etmək və onların ehtiyaclarını və rəylərini öyrənmək üçün onlarla fəal şəkildə əlaqə quraraq, gözləntilərini qarşılayan və ya aşan məhsullar və xidmətlər təqdim etmək və bu məlumatları davamlı təkmilləşməyə təkan vermək və müştəri məmnuniyyətini artırmaq və onların dəyişən ehtiyaclarını qarşılamaq üçün istifadə etmək.

•	Məlumat resurslarımızla əlaqəli risklərin və zəif tərəflərin ətraflı şəkildə öyrənilməsinə əsaslanan illik hədəflər təyin edərək, bütün fəaliyyətlərdə informasiya təhlükəsizliyinin ən yüksək prioritetə sahib olmasını təmin etmək.

•	Proses yanaşması və risk əsaslı düşüncəyə əsaslanaraq, keyfiyyət və informasiya təhlükəsizliyini idarəetmə sistemlərini beynəlxalq standartların tələblərinə uyğun şəkildə icra etmək, qoruyub saxlamaq və davamlı təkmilləşdirmək.

•	Siyasətlərimizi, prosedurlarımızı, nəzarət vasitələrimizi və təhlükəsizlik tədbirlərimizi bu sahədəki qabaqcıl təcrübələr və ortaya çıxan təhlükələrlə uyğun olmasını təmin etmək üçün gözdən  keçirərək, təkmilləşdirilməli olan sahələri müəyyənləşdirmək məqsədilə İnteqrasiya edilmiş İdarəetmə Sistemimizi (İMS) vaxtaşırı dəyərləndirmək və qiymətləndirməklə İİS-in davamlı təkmilləşdirilməsini təmin etmək.

•	İşçilərimizin bizim İİS-i dəstəkləmək üçün lazımi bilik və bacarıqlara malik olmasını təmin etmək məqsədilə müntəzəm təlimlər və məlumatlılıq üzrə proqramlar həyata keçirmək. Buna təhlükəsizlik üçün qabaqcıl təcrübələr üzrə istiqamət vermək, İİS üzrə məlumatlılıq mədəniyyətini təşviq etmək və işçiləri təhlükəsiz bir mühitin saxlanmasında fəal şəkildə iştirak etməyə həvəsləndirmək daxildir.

•	İİS mədəniyyətini təşkilat daxilində təşviq etmək üçün lazımi resursları, təlimləri və məlumatlılıq üzrə proqramları təmin etmək.

İnteqrasiya edilmiş İdarəetmə Sistemi Siyasəti

## Siyasət bəyanatı

Şirkət satın alınan həllərin və xidmətlərin iqtisadi baxımdan səmərəli olmasını, məlumatların məxfiliyini, müyəssərliyini və bütövlüyünü qorumasını və məqsədəuyğun olmasını təmin etmək üçün nəzərdə tutulmuş dayanıqlı və aydın müəyyən edilmiş satınalma proseslərinə malikdir.  Buna görə də, satınalma və sonrakı müqavilə müddətində məlumatların mühafizəsi, informasiya təhlükəsizliyi və təchizatçıların öhdəlikləri baxımından şirkətin gözləntilərinin aydın olması çox vacibdir.

## Üçüncü tərəflər üçün informasiya təhlükəsizliyi ilə bağlı risklər və tələblər

İnformasiya təhlükəsizliyi şirkətin ISO/IEC 27001:2022 standartı çərçivəsində risklərin qiymətləndirilməsi, satınalma və idarəetmə strategiyasında əsas istiqamətlərdən biridir. Məlumatların işimizə, öz müştərilərimizə, yaxud üçüncü tərəf təchizatçılarımıza aid olub-olmamasından asılı olmayaraq, sistemlərimizdə saxlanılan bütün məlumatların təhlükəsizliyini təmin etməklə, məlumat resurslarının qorunması üçün riskə əsaslanan və mütənasib bir yanaşma tətbiq edirik. Satınalma proseslərimizin informasiya resursları ilə bağlı müəyyən edilmiş risklərlə uzlaşdırılması şirkətin gözlədiyi informasiya təhlükəsizliyi səviyyəsini və keyfiyyətini qarşılamaq üçün lazım olan sistemlərə malik olmağımızı təmin etməyə kömək edir. Biz bütün üçüncü tərəf təchizatçılarımızdan bu siyasətin məzmunundan xəbərdar olmalarını və bununla razılaşmalarını tələb edəcəyik.

"Technofusion", şirkətin həssas xarakterli məlumatlarına çıxış əldə etməli olan təchizatçıların/satıcıların informasiya təhlükəsizliyi tələblərimizə əməl etməsini təmin etmək üçün Təchizatçıların İnformasiya Təhlükəsizliyi üzrə Hərtərəfli Araşdırılma prosedurunu hazırlamışdır.

## Təchizatçının şirkət məlumatlarına çıxış imkanı

Şirkət, məlumatların mühafizəsi üzrə hazırkı qanunvericiliyə, şirkətin İnformasiya İdarəetmə Sisteminə (İİS) uyğun olaraq rəsmi müqavilələr və məlumat mübadiləsi razılaşmaları  mövcud olduqda və aşağıdakı hallarda üçüncü tərəf təchizatçılara şirkətin informasiya və məlumatlarına çıxış imkanı verəcək:
•  Məlumatların müyəssərliyi təmin edilən həllin/xidmətin razılaşdırılmış bir hissəsidir;
•  Təmin edilməkdə olan həllin funksionallığının saxlanılması və problemlərinin aşkarlanması və həlli üçün məlumatların işlənilməsi və məlumatlara baxılması zəruridir;
•  Məlumatların bərpası, düzəliş edilməsi və ya yenidən strukturlaşdırılması tələb olunursa;
•  Şirkət tərəfindən həllə/xidmətə daxil edilməsi üçün məlumatlar təqdim edilib;
•  Məlumatların digər sistemlərə və ya İT həllərinin yenilənməsi zamanı köçürülməsi zəruri ola bilər;
•  Məlumatların şirkətin razılığı ilə və onun adından toplanılması zəruri ola bilər.

Üçüncü tərəf təchizatçılar çıxış imkanı əldə etmək istədikləri İnsan Resursları və İnzibati Xidmətlər Şöbəsinə (İRİXŞ) e-poçt ünvanı vasitəsilə müraciət etməlidirlər.

Üçüncü tərəf təchizatçılar yerinə yetirdikləri işlərlə bağlı layihə məlumatlarına yalnız baş icraçı direktordan (CEO) təsdiq aldıqdan sonra, Mühəndislik şöbəsinin nəzarəti altında çıxış imkanı əldə edəcəklər.

## Təchizatçı ilə münasibətlərin təhlükəsiz şəkildə dayandırılması

Məlumatlara giriş artıq tələb olunmadıqda, təchizatçı/satıcı "Technofusion" şirkətinin sistemlərindən çıxarılacaq.
Üçüncü tərəf təchizatçılar e-poçt və ya "Jira" sistemi vasitəsilə "çıxış imkanının ləğv olunması aktı"nın hazırlanması üçün müraciət etdikdən sonra çıxış imkanının ləğvi mümkündür.

Məlumatların idarə edilməsi prosesi üçüncü tərəfin zəruri məlumat mənbəyinə (məs., "Jira", yaxud korporativ "Dropbox" qovluğu) qoşulmasını ehtiva edir. Prosesə məsul şəxs, məsələn, proqramlaşdırma kontekstində proqramçı və ya proqramçılardan ibarət qrupun rəhbəri, yaxud mühasibatlıq xidmətləri göstərən şirkət kontekstində baş icraçı direktor çıxış imkanını təmin etmək üçün sorğu göndərir.
Bu sorğular İnformasiya Texnologiyaları Xidmətinin İdarə Edilməsi portalı vasitəsilə Mühəndislik şöbəsinin rəhbərinə təqdim edilir və "paylaşılacaq şəxs" bölməsində baş icraçı direktorun adı qeyd olunur. İcra müddəti maksimum 1 iş günü olaraq təyin edilir. Sorğu verən şəxs sorğunun uğurla tamamlanmasına qədər onun gedişatının izlənməsinə cavabdehdir.

Hər hansı bir dəyişiklik baş verdikdə, bu, e-poçt vasitəsilə bildirilir.

## Sahə auditləri

Şirkətin keyfiyyət və informasiya təhlükəsizliyini idarəetmə sisteminin standart akkreditasiyası çərçivəsində olan öhdəliyinin tərkib hissəsi kimi, biz həyata keçirilən işlər üçün zəruri hesab olunduğu halda, hazırda bizim adımızdan işləyən hər hansı bir üçüncü tərəf təchizatçının müstəqil auditini apara bilərik. Audit yoxlamasında üçüncü tərəf təchizatçının "Technofusion" adından fərdi məlumatlara çıxışın olduğu və ya onların işlənilmə prosesinin aparıldığı əsas ofisinin ziyarət edilməsi zəruri ola bilər. Sahə ziyarət(lər)inin məqsədi mövcud fiziki, məntiqi və əməliyyata nəzarət tədbirlərinin adekvatlığını qiymətləndirmək və təchizatçının təsdiq olunmuş İT təhlükəsizliyi prosedurlarının gündəlik əməliyyatlarda tətbiq olunub-olunmadığını yoxlamaqdır.

## Təhlükəsizliklə bağlı insidentlərin idarə edilməsi

Üçüncü tərəf təchizatçılardan təqdim etdikləri xidmət səviyyəsinə və məlumatların məxfilik dərəcəsinə uyğun gələn təhlükəsizliklə bağlı insidentlərin idarə edilməsi prosedurlarına malik olması gözləniləcəkdir. Bu öhdəliklərin həcmi müqavilədə və ya məlumat mübadiləsi üzrə razılaşmada göstəriləcəkdir.

Üçüncü tərəf təchizatçı olan şirkət və ya fiziki şəxs insident barədə bizə e-poçt vasitəsilə məlumat verməli və insidentin təfərrüatlarına dair ətraflı məlumat təqdim etməlidir. Bu, baş verən insidentin izahını, insidentin əsas səbəbini, nəticələrin azaldılması üçün atılan addımları və insidentdən öyrənilmiş dərslər çərçivəsində həyata keçirilən tədbirləri əhatə etməlidir.

## Siyasətin pozulması halları

Bu siyasətin pozulması halları və/yaxud təhlükəsizliklə bağlı insidentlər, "Technofusion"-un məlumat aktivlərinin itirilməsi və ya zədələnməsi ilə nəticələnən və ya nəticələnə biləcək hadisələr və ya "Technofusion"-un təhlükəsizlik prosedurları və siyasətlərinin pozulmasına səbəb olan hadisələr kimi müəyyən edilə bilər. "Technofusion"-un işgüzar funksiyalarını yerinə yetirməsinə və xidmətlər göstərməsinə imkan verən həlləri təmin etmək, dəstəkləmək və ya onlara çıxış imkanı təmin etmək üçün müqavilə bağlamış bütün üçüncü tərəf təchizatçılar bu siyasətə və rəsmi sənədlərdə və razılaşdırılmış müqavilələrdə göstərilən və istinad edilən bütün dəstəkləyici tələblərə riayət etməlidir.

Bütün işçilər və üçüncü tərəf təchizatçılar təhlükəsizliklə bağlı insidentləri və bu siyasətin pozulması hallarını "Technofusion" şirkətinin Təhlükəsizliklə bağlı İnsidentlərin İdarə Edilməsi Siyasəti vasitəsilə mümkün qədər tez bildirməlidirlər.

Bizim Siyasətlərimiz

İnteqrasiya edilmiş İdarəetmə Sistemi Siyasəti

Təchizatçılar üçün Təhlükəsizlik Siyasəti